“SARAI SEMPRE NEL MONDO GLORIOSA” DOMAN IN PIAZZA SAN MARCO !!!!!!

Salve invitta Giuditta prosperosa,

Spléndor di Patria, speme di nostra salute.

Tu ver esempio di somma virtute,

Sarai sempre nel mondo gloriosa.

Debellato così il barbaro Trace

Sia trionfante Regina del mare.

E placata così l’ira divina,

l’Adria viva e regni in pace.

JUDITA TRIUMPHANS, DOMAN QUEL TOCHETO MAGICO CHE ANI FA l’amigo Renzo Fogliata gaveva consiglià come inno da sonar al presentat arm e all’alzabandiera a la Festa dei Veneti … sarà cantà e sonà adiritura dai musicanti de La Fenice, davanti al sindaco, al picheto d’onor militare veneto (Veneto Real) e davanti a noialtri tuti. Dopo un intervento de Renzo Fogliata e de l’altro amigo fraterno Edoardo Rubin saremo na folla entusiasta.

Penso che i eseguirà el brano originale col bellissimo testo in latin: me piaz eanca el testo del Brunelli, in veneto, ma qua gavemo davanti i oci del mondo, tosi… gavemo da far capire che semo i eredi dei valori univerai de PAZE (pAX TIBI MARCE) .. Almanco fin che i ne rispeta e riconosse come Nazion storica co tremila ani de tradizion.

No go dubi in questo, Par che dopo a le 18 e trenta i sonarà altra musica, che ne ze estranea, par altri presentat arm de l’ocupante. Ma mi sarò za partio, e no vedarò sta onta.

Altri presenti, magari i esprimarà el so dissenso. 😉 intanto deghe na ripassada al nostro Inno immortal. WSM!!!!

https://www.youtube.com/watch?v=fB6U2He_-yE https://www.youtube.com/watch?v=fB6U2He_-yE