LA GRANDE POESIA VENETA,
DI LEDA CERESARA ROSSI
Ricordi inprovisi.
La casa sul monte
col portego scuro,
el posso te‘a corte
le rose sul muro,
la stala, el punaro
la cioca i pulsini
e l’orto el pajaro
na siesa de spini.La piova de Aprile
che bate lesiera,
zolàr de sixile (1)
che frisa la tera,
un buto de pianta
na foja novela,
un zugo, na canta
do nose in scarsela.I prà molesini
pa far scapriole,
i celi turchini
le nuvole e’l sole
la vosse, i sorisi
e tanta alegria
ricordi inprovisi
che riva… e va via.
Ve meto ‘sti versi par dimostrar che co £a nostra £engua se pol tocar ponte altissime de poesia come co l’italian, lengua leteraria par ecelenza. Diria de più.. i versi scriti in ‘sta maniera i riva direti al core, sensa che uno prima el pensi a quel che el leze. Parché la xe la lengua che ne ga insegnà £a nostra mama. E alora, fioi..andè a firmar subito in comune £a proposta de lege par el riconosimento del veneto come £engua ufizial dei Veneti.
è passato più di una anno da quando Milo, ci ha lasciato l’onore e l’onere di continuare la sua opera di diffusione della nostra millenaria Veneta Storia.