PAR L’ANIVERSARIO DE LA MORTE DE NAPOLEON

Ve scrivo in venesian, come ga fato l’amigo Poeta e Cantautor Gilberto Gasparini, che ga ricordà “l’Attila dei Veneti” in na maniera che me par perfeta e consona a la grandessa de l’omo. 😉 (ignorante, bastardo e ladron.. come pochi).

In occasione del 5 Maggio (morte di Napoleone) una mia poesia sul massacratore di Venezia scritta anni fa (Raccolta Filo di Pensiero)

NAPOLEON

la statua del Correr, dove Nap compare in versione “giocatore di bocce” 😀

El gera ignorante, bastardo e ladron
El so nome, che tuti conosse, Napoleon

El ga desfà chiese, scuole, scarpelà i Leoni
El ga robà l’oro, i Cavali, brusà i gonfaloni

De la so ignoransa e barbarie po’ el ga da fondo
Rivando a desfar anca l’isola de San Secondo

Co la man su la pansa e nela recia un deetto
El sa robà Carpaccio, Tiepolo, e el Tintoretto.

Le scuole d’arte distrute, brusae e sacchegiae
Venexia feria a morte nei campi e nele so cale

Ne le scuole i te insegna le so gesta e le so imprese
Ma el gera soltanto un malegnaso bassotto francese

Anca quelo po’, che el fusse francese o italian
A noi no ne importa, ma de certo no Venexian

Attila, el barbaro, in fondo el ne ga creà
‘sto general nano bastardo el ne ga copà

Ma no bastava, a Venexia, al Veneto e a le so zenti
Dal morto ancora una botta xe rivada sui denti

Come una beffa el so monumento xe sta installà
Nel museo fatto dove che una chiesa el gaveva desfà

Copar, distruger e robar gera l’arte
De sto còrso maledeto ciamà Bonaparte

21 Novembre 07