Cusinar Veneto

Iniziamo oggi una nuova rubrica volta a scoprire e riscoprire i sapori della Cucina Veneta e quale modo migliore per farlo se non usando la nostra lingua madre!?

Si ringrazia l’autore Loris

Preambolo

Dà’nquò scominsiarò parlarve dè là cusina  dè la nostra tera Veneta  nò voria mia però fermarme a darve dò tre maniere de coser ovi pese carne, ma n’idea insieme à le ricete, de cò sé stà  nel tempo e cosa anquò nè jè resta del veneto magnar.
Però par scominsiar vedemo de se poso farv’intendar  cosa cò mi penso  par “cusina” e se me jè permeso voria farlo in Veneto parlar, si in  ch’ela parlada c’a’scola i ne gà tanto bachetà par farnelo desparar. ma dai sù n’demo a scominsiar che ve la conto o volio che vè lo diga ?

El Cusinar

Cò che l’omo xè sta fato, e cò che jera in tel paradiso terestre
“DIO  pa sfamarlo gà creà el magnar” ma’l
“l’ Diaolo col camarier serpente “
gà dato el frutto che lo gà fato metar ala porta par  tuta colpa d’un pomo g’el gavaria dresfà’ncà Troia.
Finendo n’tè quel mondo ‘ndò paraltro el signor gavea xà preparà osei, salvadeghi de tute le sorte, bestie da corte e pesi.
Tuti boni da magnar ma difisili da ciapar, sti omeni al tempo gera solo casadori, o pescadori, el ghe gavea si fato anca  fruti  e verdure de tute le sorte, insieme a l’erbe dai mile saori e parfumi, che cresea un poco quà e un poco là, ciare da catar e fadigose dà rancurar, dai omeni rancuradori.
L’omo dovea fadigar tuti i dì par magnar non podendo metar in parte quel che nò consumava de boto, magnando tuto par cruo non  el fogo impisar.

“Ma l’ Diaolo portandose drio el fogo gà fasesto i coghi”
come scrivarà n’anca el James Joyce (scritor Irlandese n.1882 m. Svisera 1941)
fasendo’n manera che erbe, fruta, bestie e pesi podese esar coti e smisiai dai coghi fra de jori par far novi saori.
Pò dopo che’l Diaolo gà portà anca i marcanti che portàa quel che ghera dove nol gera a far sì chi coghi i le smisiase in cusina par estasiar le marteline.
A stò punto nàse la cusina, l’alchimia che oltre a sfamar con quel che ofre la natura, a preparar quel disnar dò se se sfama, se catà par discorer, combinar afari, chietarse dai rancori e combinarse cò è tose. Si’nsoma preparando la casa e intrigando arte e cultura par cognosar coi gusti, i odori e saori ,dò nase e chì che sè’nà popolasion.