EL TRAM DE OPICINA .. CHE BELA LA LENGUA VENETA TRIESTINA !

Di Milo Boz, veneto marcian

El tram de Opcina 

E anche il tram de Opcina
xe nato disgrazià:
vignindo [vignudo] zo per Scorcola
‘na casa [el] ga ribaltà.
Bona de Dio
che iera giorno de lavor
e drento no ghe iera
che ‘l povero frenador!
Ritornello:
E come la bora che vien e che va,
i disi che ‘l mondo se ga ribaltà!
E come la bora che vien e che va,
i disi che ‘l mondo se ga ribaltà!

E anche il tram de Servola
xe nato disgrazià.
Corendo in Galeria
in piazza el xe sbrissà.
Drento ghe iera
diverso personal
che se ga ribaltado
e se ga fato mal!
(Ritornello)
E anche ‘ste mulete
tute mate pe’ l’ capèl,
le zerca de compagnarse
da qualche bel putel;
ma co le ‘riva a casa
se senti un gran bordel,
e pare, mare e fia
copa i zimisi col martel!
(Ritornello)

L’Italia ga pan bianco,
la Francia ga bon vin,
Trieste ga putele,
tute carighe de morbin,
carbon ga l’Inghiltera,
la Rusia ga cavial
e l’Austria ga capuzi
che no se pol magnar!

(Ritornello)

E anca el tran de Servola
xe nato disgrazià:
rivà fora del tunel
no ‘l se ga più fermà.
Bona de Dio
vhe ghe iera el parador,
se no l’andava in piazza
e ‘l finiva in pissador.