EL FILO’ DAVANTI AL CAMIN … CHI SE RICORDA, GA I CAVEJ BIANCHI :)

Di Millo Bozzolan, veneto marciano.

Le none e le mame ne meteva soto le coerte, recitando ‘sta filastroca, dopo le quatro ciacole (ancor la tivu gera un sogno, in casa) davanti al larin (camin):

Ficate sòto! Ficate sòto” 
“ Varda che son chi sul secondo scalìn”
“ Ficate sòto, ficate sòto”
“ Varda che son qua sul térso scalìn”
“ Ficate sòto, ficate sòto”
“ Varda che son qua sul quarto scalìn ! Varda che son qua in sima ala scala”
“ Ficate sòto, ficate sòto”
“ Varda che son qua vissìn al tò letìn”
“ Ficate sòto, ficate sòto”
“ Varda che son qua vissìn al tò cussìn”
“ Ficate sotò, ficate sòto”
“ Aaaaammm ca te magno”