LA FEDE ESPRESSA IN VENETO… QUA I TE BUTARIA FORA DA LA CIESA, ORMAI…
Di Millo Bozzolan
Go ricevesto tramite Mary Helen Balbinot, che no so come ringrassiar, na racolta de preghiere, messa insieme da Sole Soccol na veneta fiola de migranti a cui mando un gran abrasso. Ghe ne publicarò una a al setimana, in modo che se posa aprezarle ne la giusta maniera. Le xe de le vere proprie perle. Apena Don floriano Pellegrini tornarà da le Patria del Friuli, ghe le girarò tute 🙂 .
Cuesta xe la prima:
Preghiera del Matino
Executor: Amélia T. Marca Soccol – Serafina Corrêa- RS
PREGHIERE DELA MATINA
Ave Maria Picinina
Che leva su a la matina
Come dir e come far
Ricordar e digiunar
Andar zo a quela pileta
De àqua santa benedeta
Par lavarse man e viso
Par ndar in paradiso.
El paradiso ze un bel logo
E l’ inferno tuto fogo.
Me domando cossa vieta ai veneti credenti de dimandar ai preti de far na messa in veneto, a ‘sto punto.. ma go ormai l’idea che i veri Veneti, tacadi a la so lengua e a le so tradizion.. sia scanpadi tuti in Brasil.
è passato più di una anno da quando Milo, ci ha lasciato l’onore e l’onere di continuare la sua opera di diffusione della nostra millenaria Veneta Storia.