“El merletto” scoltemo el venessian…
Ciap Ciap
Ciap ciap
le massette fa sto rumore
quando le done lavore a balon
a volte in silensio
a volte ciacolando
pare quasi che le staga siogando.
invece, pian pian vien fuora sto merlo
sottile, fin, a pare quasi una ragnatela
fata col penin.
Dal niente ste artiste te fa dele cose
che vedendo l’inissio
mai ti te speti
e pure, a se qua, sto capolavoro
fato de giri e spileti.
Da fie avemo imparà
una forma co cape e cordela
sula riva tutte sentae
qualche volta anca rabiae,
perchè el sacrificio de fare quel lavoreto
no valeva la pena,
se ciapeva solo qualche scheeto.
Xe passai tanti ani
e, seguie da Egide, maestra Pellestrinotta
ma anche un po’ Venexiana,
avemo ripreso quel merletto
trovandose una volta la settimana.
La n’ha trasmesso, insieme a tante nossion,
tanto entusiasmo e tanta passion.
(Graziella Ghezzo)
è passato più di una anno da quando Milo, ci ha lasciato l’onore e l’onere di continuare la sua opera di diffusione della nostra millenaria Veneta Storia.