I ULTIMI VENETI, LA DENATAITA’ – MANCA LA DEA REITIA

Gavevo espresso in un post la me gioia de aver tra i novi contati na siora Veneta che ga messo al mondo ben siè (sei) fioli. Go espresso al me gioia in quanto veneto, dato che me par evidente na roba: tra denatalità e imigrazion, semo drio a estinguerse.

Questo ga susità la reazion abastanza forte, de dò amighe  e anca un amigo, che conosso da ani, e che stimo moltissimo. So restà sorpreso, par non dire basito. Ze ciaro che semo messi cussì parché fadighemo quasi tuti a meter su el pranso co la sena. E non solo, no ghe ze servisi, asili gratuiti, assistenza econonica adeguata, dato che allevar un fiol costa, i dizeva, 80 mila euro fin a portarlo a la magior età. E anca dopo, se sa come la sia dura. Mi stesso no go messo al mondo nessun,  e vedendo come va el mondo dovaria ralegrarme de la scelta.

Ma no ze cussì: so legà a la me gente (nel senso altino de gens – stirpe) a la me tera e al so paesagio che gavemo abità e modificà in più de tremila ani de storia, vivendo in dò grandi fasi, quela dei paleo veneti e quela de la civiltà veneziana marciana. L’unica maniera par  no farla morire ze quela de no estinguerse, me par ciaro, o no??

Se mi trovo na dona, na fameja, che malgrado tuto, malgrado i pensieri, le tasse, la riese a meter al mondo siè picoli veneti, me se inpenisse el cor de teneresa. Come ga notà co gran sensibilità quela siora, quei butei no ze solo sui e de so pare, ma i deventa anca nostri, in quanto veneti.

Go fato un rapido riepilogo de le me amicizie più vecie tra el mondo indipendentista: mi no go fioi, la Claudia, gnanca, la Susy me par che la gabia solo na fiola, la Luisa co Dino ghe ne ga messo uno al mondo, so£o Alberto Venezian co ea Marisa, se no sbalio, i ze riusidi a impenir i vodi… ora me par lampante che semo drio, i ze drio a cancellar i Veneti COME NAZION e nel giro de qualche decenio qua sarà tuto fora che tera veneta.

Na batalia nostra dovaria  esser anca quela  contro el programa de denataità che ga inposto el sistema. Se no chi liberemo, tra pochi ani?? i cinesi e i arabi nati qua par sbalio?

La foto che acosta la vigneta del grande Alberto Venezian a la Dea Reitia, no la ze fata a caso (foto seconda): la Dea suprema dei Veneti la gera anca preposta a la protezione de le gravidanze e de le venete partorienti, e San Marco me perdoni.. savemo quanto gavarissimo bisogno de i so interventi magici.

Qua gavemo l’alfa e l’omega de un popolo antichissimo, se no se demo da fare.

Questo gera el senso del me compiacimento par la scelta de na dona dea nostra stirpe, a presinder dal fat che la gavesse o meno i mezi par farlo.