POLENTA E BACALA, ode alla… versi ispirà come pochi, in venessian :)

Agnolo Berlese

Chi xe che ga inventà Polenta e Bacala? / Dixemelo creature sto nome, sto portento / che toga le misure / par farghe un monumeto! / Dante, Petrarca e Tasso / xe piavoli al confronto! / Omero xe un pagiasso / e Metastasio un tonto! / No ghe xe al mondo un piato / che possa starge a peto; / sia lesso o mantecato /co’l tocio e co’l tocheto, / fato a la venessiana, fato a la visentina, / de sera o de matina, che roba soprafina! / L’imbalsama, el sublima / el sassia, l’incocona, / e dentro el te combina /’na festa cussì bona / che dopo gnanco un’ora /che te lo ga magnà / vien su… la dolse aurora/ de la felissità !