I LO CIAMAVA “QUARTIN”, GHE PIAZEVA TANTO EL VIN

Quartin

Picolo, tondo, né bruto né belo,
na facia rossa
soto al capelo,
le braghe larghe, tute pessà
camisa a quadri
e scarpe sfondà.

Tuti in paese lo conosséa,
ma el so vero nome
puchi ‘o savéa,
i ghe ciamava tuti Quartin
pal vissio che ‘l ghea
de insacarse de vin.

Par l’acoa ‘l ghea un odio mortale,
el jera convinto
che la fa solo male,
chi garìa dito che a n’amante del vin
la sorte segnasse
sì tristo destìn?

Na sera d’inverno, scura e piovosa,
andando de onda
l’è finìo te la rosa, (ROGGIA)
e al giorno dopo i lo ga ripescà,
e’l ghi néa bevù tanta
da morire negà.

L’acoa che l’omo no podéa soffrire
la se ga vendicà
e la lo ga fato morire;
e la zente disea al so funerale
xé proprio vero,
che l’acoa fa male!

Poesie vernacolari – da PensieriParole.it <https://www.pensieriparole.it/poesie/poesie-vernacolari/>

Ve meto ‘staltra bea poesia de “nona” Leda Ceresara Rossi, questa fa anca soridere, oltre che comover nel fondo, par la capacità che £a ga de colegarne a le realtà del mondoveneto de ieri. Eco ‘naltra prova de cuanto sia da conservar £a nostra vera lengua, che ga la stessa digntà leteraria de l’italian che i ne insegna  a scola. E ricordeve de firmar in Comune, a l’uficio Anagrafe, £a proposta de lege par el riconosimento de la lengua veneta. Me racomando!