PER SOLENNITÀ STRAORDINARIA NEL GIORNO DELLA SENSA DELL’ANNO 1775

Angelo Maria Labia

Alla fine, al poeta, commosso da tanta magnificenza, vien da piangere…Ma forse è l’oscuro presentimento della fine di un mondo irripetibile. Di lì a poco calerà l’Attila dei Veneti, e a tutto sarà posto termine…

Oh che Sensa! Oh che Sensa! Oh che cosazze!
Oh che parechi! Oh che gran novità!
In sta ocasion veramente in sta cità
l’oro e l’arzento va per le scoazze!

Che galie! Che sciambecchi! Che galeazze
drio la publica regia Maestà!
Che peote in livrea! Che infinità
de barcolame de tute le razze!

Che lusso in ogni grado de persone!
Che teatri in bersò! Che simmetria
de piazza! Oh che regata! Oh che bissone!

Che popolo! Che gran foresteria!
Che canal! Che tragheti! Oh Dio, che done!
E pur no so el perché, mi pianzerìa.